طق طق طق

طق طق طق

لعبة هايلة كنت ، يا حسرة ويا زمان ، نقترح مثلها باش تحلى القعدة ونكتشف شويّة

معلومات من اللاوعي عند لصحاب ووقت اللّمة.

وكيف طق طق عندي 2 من أحباب البلوقات:

تونسي حر + Nadouille

هاني، كيف ما قالت آرابيكا، باش انبعبع ونقول على سبعة حاجات منوعين
ونبدا بقواعد اللعبة:

وضع رابط الشخص الي طقك

وضع قواعد اللعبة على مدونتك

الاجابة على نفس الاسئلة

طق 7 مدونين اخرين

اعلامهم بذ لك في مدوناتهم

نبدأ يا لحباب ب

7 حاجات نراهم في روحي:

1- الصراحة التامة (الي تفوح العلاقات بين البشر وتبني الثقة بالنفس وبالاخر وبالدنيا).

2- الكذبة الي تجد على الي يقول بروحوا وليدها وما يعديها عليه حت حد وتخلق مواقف مشوقة اطلع نسبة الادرينالين في الجسم .

3- الاصرار لانني من النوع الذي لا يهزم.

4- التحدي:نموت على الي ضاربها في روحو ويقلك " مني تقرع"

5 - الدقة في كل شيء( أي حاجة يا نعملها باقداها يا موش لازم منها).

6- نفد من الحس والحديث على الناس

7- مهما يخوفوني زايد ما نعمل كان الي في راسي

7 حاجات نحب نعملهم قبل ما نودع:

1- أكتب على بطاقة التعريف الوطنية عبارة "متبرعة" فأنا انوي التبرع بأعضائي عند وفاتي .

2- أكتب رواية أحكي فيها قصة حياتي الشيقة ورؤيتي لهذا الشعب الغبي الذي أنا واحدة من أبنائه.

3- أكتب وصيتي حول مراسم تقبل العزاء عند وفاتي وهي : " لا مجال لقراءة القرآن في بيتي ولا على روحي"

4- أن أقوم بدراسة أبين فيها وأنه ليس هنالك من متعلم لا يتقبل المعرفة ولكن هنالك أنظمة تربوية ناقصة وثقافات تجذب الى الخلف اكثر مما تتقدم الى الامام و......

5- نمشي في زيارة الى كل من اسرائيل والسويد و كندا

6-نولي نتكلم الانقليزية كيفما نتكلم الفرنسية

7-نعيش لين انشوف حرية الاعلام بالعربية

7 حاجات ما نفدش منهم:

1- العزلة أو الوحدة

القراية +2- الكتب

3- البحر والسباحة

4- التنظيم والترتيب في الدار(ملا باش مرا، كيف ما يقولوا؟) رغم هذا الكل نموت على القضية.

5- عندما أكون في القسم مع التلاميذ أنسى كل الصور المتعفنة للواقع وأعمل من أجل الغد

6- فضح بشاعة وجهل واستبداد الفكر الديني بكل أنواعه

7- الثأر لأنوثتي من كل المظاهر الثقافية التي أهانت المرأة واحتجزت إنسانيتها واعتبرتها من صنف العبيد والجواري وألصقت هذه المواصفات بالطبيعة الأنثوية

7حاجات نكرهم برش برش برش:

1- صوت الاذان

2- صوت الامام يوم الجمعة (يستعملون مكبرات الصوت ليفرضوا على الجميع الاستماع للخطيب وهو يهتري بتعاليم وحديث الي يكسر الكرايم).

3- الحوار والنقاش مع الاسلاميين بكل انواعهم (البسيط + المتظلع في الدين+ والمتزمت ++++++)

4- الكلام الزايد : هو دليل على الدقووووووووعيييييييييييير

5- ريحت الدخان ( امالة راني بطلت وأصبحت الان حرة نفسي وما يكتفنيش سيقارو امسخ ناتن )

6- الراجل الي يبدى عملي فيها راجل وما يتكلم كان بالرجولية وهو عندو عقل زبلة وشخصية تافهة ، حاصيلو يذكرني منظرهم بالطالبان والعرب الي مازالت تفلي فالقمل

7- المغنيين الي انراهم في روطانا زبل

7 حاجات يعجبوني برشى في "بعلي المصون":

1- كيف نبدا أنا انعيط وانصيح على الاولاد وهو يبدا عامل روحو متحمل ومتفهم وعاذرني وهو في الحقيقة مجرد متفرج لا غير( باهي هكا؟؟؟؟)

2- كيف يبدا راجلي يتفرج في الكورة نهار الاحد وقدامو كعبات سلتيا وانا هوْ نشوي في الحوت هوْ نقص في صلاطة هوْ نفرغ في سندرية .....

يزينا من المساطة وباش نحكي علباهي فيه تويك

3- كيف يبدا يحكي على "المقاومة والممانعة" متاع حزب الله و حماس وابو عمار والعروبة و....

وكاينو غدوة باش تقوم ثورة عربية باش تغير العالم وهو غير قادر وانو يغير عادة من عوايدو الي هو يقول عليها بفمو وانها عادات سيئة؟؟؟؟؟؟؟؟؟؟؟

4- هو قداش منو : في النهار يخدم وفي المغرب مع الاصحاب في القهوة يلعب في الكارة ودزان البيدق ووقتلي يروح يتعشى ويتفرج في الاخبار او في روطانا سنماء ويرقد على بلاصتو في الصالة .

5- مانحبش نقول عليهم توّ توّ

6- 7- لا شيء يذكر غير التعب

7 شخصيات نعشقهم:

1- نوال السعداوي (تمثل المبدعة والمقاومة)

2- وفاء سلطان (تمثل الانسانة العادية)

3- سبينوزا ( محرر الاخلاق)

4- ألكسندر سلجانتسين ( رمز المقاومة لتحرير القيم الانسانية)

5- محمد الكيلاني ( الحزب الاشتراكي اليساري- التونسي-)

6- فرويد (معه عرف الانسان أصل هلوساته الدينية والخرافية)

7- نزار قباني ( لانه وضع كلمات على ما تصمت عنه المرأة)

7 مدونين باش نبعثلهم:

حالة رفض نينار المجنون

لا للغباء ART.ticuler Whatabastor Alaeddine Ben Abdallah